დუშეთში ჰასკი მავთულით ჩამოკიდეს და ხელკეტით ყბის ძვლები ჩაუმსხვრიეს

სოციალურ ქსელში გავრცელებულ ინფორმაციაზე დაყრდნობით 2019 წლის 3 ივლისს, დუშეთის მუნიციპალიტეტში, სოფელ ჭოპორტში ადგილობრივმა თანამზრახველთან ერთად ციმბირული ჰასკი მავთულით ჩამოკიდა და ხელკეტებით ყბის ძვლები ჩაუმსხვრია.

ძაღლი გადაყვანილ იქნა თამაზ ელიზბარაშვილის თავშესაფარში. თავშესაფრის თანამშრომელთა ცნობით ძაღლს ჩალეწილი აქვს ძვლები და ჭამას ვერასდროს შეძლებს. შესაძლოა საჭირო გახდეს ძაღლის დაძინება.

მასმედიაში გავრცელებული ინფორმაციით ძაღლს სასტიკად კვერცხის ქურდობის გამო გაუსწორდნენ. დამნაშავე და თანამზრახველი ინდეტიფიცირებულია. შსს-მ მომხდარზე სისხლის სამართლის კოდექსის 259-ე მუხლის პირველი ნაწილით  დაიწყო საქმის გამოძიებ, რაც ცხოველის წამებას ან მისდამი სასტიკ მოპყრობას გულისხმობს, რამაც მისი დაღუპვა ან დასახიჩრება გამოიწვია.