ვეტერინართან კონსულტაცია!

დაინტერესებულ პირებს ვეტერინარულ კონსულტაციას გაგიწევთ
დავით ომარაშვილი
ტელ: (+995) 32 2763386            ( ვეტ. კლინიკა “ნიუ ვეტი”)

 

GSPSA-ს ვეტერინარული სამსახური.

GSPSA-ს თავშესაფარის ვეტერინარული სამსახური წარმოადგენს ააიპ “საქართველოს ცხოველთა დაცვისა და გადარჩენის საზოგადოების” სტრუქტურულ ერთეულს. ვეტერინარული სამსახური ემსახურება მხოლოდ თავშესაფარში შემოყვანილ ცხოველებს.

ცხოველთა თავშესაფარში ძირითადად მიიღება ტრავმირებული უპატრონო ცხოველები. ამ წლების მანძილზე თავშესაფარმა მიიღო 1500-ზე მეტი ცხოველი (ძაღლი და კატა), მათ გაეწიათ შესაბამისი ვეტერინარული მომსახურება და მზრუნველობა. მათი უმეტესობა გაჩუქდა მზრუნველ ადამიანებზე.  თავშესაფარი უზრუნველყოფს ცხოველთა ვეტერინარულ მომსახურებას და ვაქცინაციას.

 

2013 წელს მოხდა თავშესაფრის კეთილმოწყობა “ბრიჟიტ ბარდოს ფონდის” ხელშეწყობით და დაფინანსებით. მოეწყო ვეტერინარული კლინიკა. ამ ეტაპზე თავშესაფარს გააჩნია ასევე ოფისი, საკარანტინე სათავსი, ვოლიერები, ცხოველების დასუფთავების სივრცე, გასასეირნებელი სივრცე (ღია ტერასა) და სხვა.

   

იხილეთ ფოტოები Facebook-ზე.

2012-2013 წლებში „ბრიჯიტ ბარდოს ფონდის“ დაფინანსებით და ხელშეწყობით   GSPSA-მ   დაიწყო  სტერილიზაციის პროგრამა, რომელშიდაც ჩართული იყვნენ საქართველოს და უცხოეთის წამყვანი ვეტერინარები.

დამატებითი ინფორმაცია:
Géorgie… Urgence stérilisation !
G S P S A- ქუჩის ძაღლების სტერილიზაციის პროგრამა

 

2014 და 2015 წლებში თავშესაფარმა, როგორც ადრეულ წლებში გააგრძელა მუშაობა ტრავმირებული ქუჩის ცხოველების რეაბილიტაციაზე, ვეტერინარულ მომსახურებაზე და მათ გაჩუქებაზე.  ბოლო ერთი წლის მანძილზე თავშესაფარში მიღებულია 100-ზე მეტი უპატრონო ცხოველი. მათ შორის გარკვეული რაოდენობა გადმოყვანილია თბილისის მუნიციპალური თავშესაფრიდან პოსტოპერაციული პერიოდის, ვეტერინარული ზედამხედველობის და შემდგომი პროცედურების გასავლელად.