მიზეზები, თუ რატომ უნდა აიყვანოთ ცხოველი თავშესაფრიდან
იმისთვის რომ ნათელი იყოს რამდენად სასიკეთო საქმეს აკეთებთ, როცა თავშესაფრის ცხოველი აგყავთ, მოკლედ გავეცნოთ სიტუაციას რომელიც ზოგადად თავშესაფრებში გვხვდება.
თავშესაფარში ცხოველების მოხვედრის მიზეზი, რამდენიმე სამწუხარო ფაქტი, ხდება. ძირითადად ადამიანები, მათი უპასიხისმგებლობა, გულგრილობა და სისასტიკე. მაგალითად როგორიცაა
- პატრონს მობეზრდა, ავადმყოფობის ან სიბერის გამო მიატოვა - ასეთ ცხოველებს ყველაზე მეტად უჭირთ.
თავშესაფარში ცხოვრება ზოგადად რთულია, არსებობს დაავადებების მაღალი რისკი, არ არის ძაღლის გასეირნების, მასთან თამაშის ან რაიმე სახით ცხოვრების გახალისების საშუალება. სახლში გაზრდილი ძაღლი ამ ყველაფერს მიჩვეულია და მათთვის თავშესაფარში ცხოვრება განსაკუთრებულად სტრესულია, ხშირად ისეთი დეპრესიულები ხდებიან რომ უარს ამბობენ საკვებზე და წყალზეც რაც მათ დასუსტებას და სიკვდილს იწვევს.
- დაკარგული ცხოველები - რომელებიც ქუჩაში აღმოჩნდნენ უმეთვალყურეოდ, ეს მათთვის დამღუპველია, არ იციან როგორ გადარჩნენ პატრონის გარეშე, ამიტომ აუცილებელი ხდება თავშესაფარში დაელოდონ პატრონს გარკვეული დროის განმავლობაში. თუ პატრონი არ გამოჩნდა აუცილებელია მისთვის ახალი პატრონის პოვნა, ვინც იხსნის ოჯახის დაკარგვის სტრესისგან და თავშესაფრის ცხოვრებისგან.
- ტრავმის გამო, მანქანის დაჯახების ან ადამინების მხრიდან სასტიკი მოპყრობის გამო - ასეთ შემთხვევაში ცხოველებს დიდი ძალისხმევა სჭირდებათ იბრძოლონ სიცოცხლისთვის, ხშირია შემთხვევა როცა კიდურების ამპუტაცია გარდაუვალია, რაც კიდევ უფრო ართულებს ცხოველის მდგომარეობას, უმეტეს შემთხვევაში მათთვის თავშესაფარი ხდება სამუდამო საცხოვრებელი…
GSPSA თავშესაფარი ძირითადად ემსახურება ტრავმირებულ ცხოველებს და იტევს მაქსიმუმ 40 ძაღლს. იმისთვის, რომ დავეხმაროთ რაც შეიძლება მეტ ტრავმირებულ ცხოველს, საჭიროა თავშესაფარი იყოს “სწრაფად გამტარი” ანუ სწრაფად უნდა ხდებოდეს ცხოველის რეაბილიტაციის შემდეგ მის
ი თავშესაფრიდან “გაწერა” (გაჩუქება, ბუნებრივ არეალში დაბრუნება) და ახალი ტრავმირემული ცხოველის მიღება, რომელსაც სჭირდება ჩვენი დახმარება. მიღება კი ვერ მოხდება თუ ცხოველების რაოდენობა ზღვარს გადააჭარბებს. ჩვენს თავშესაფარში ზოგჯერ წლობით არიან ისეთი ცხოველები რომლებსაც “ბუნებრივ არეალში” გადარჩენა არ იციან, არ შეუძლიათ. დარჩენილია მხოლოდ ერთი გზა - გაჩუქება.
რატომ უნდა აიყვანოთ ცხოველი თავშესაფრიდან?!
- ძაღლის აყვანა თავშესაფრიდან ნიშნავს-ამ ძაღლისთვის ცხოვრების ჩუქებას, თავშესაფარში ადგილის განთავისუფლებას და სხვა ტრავმირებული ძაღლის გადარჩენის შანსს.
- თქვენ შეგიძლიათ აარჩიოთ ძაღლი სასურველი ზომის, ფერის და რაც მთავარია ხასიათის მიხედვით. წინასწარ გეცოდინებათ რამდენად მეგობრულია ბავშვებთან, უცხო ხალხთან თუ სხვა ძაღლებთან. მთავარია იცოდეთ როგორი მეგობარი გჭირდებათ.
- ზრდასრული ძაღლის ჩუქება, თავიდან აგაცილებთ ყველა იმ თავისტკვილს, რაც ლეკვის ყოლას თან სდევს, როგორიცაა, დახეული ნივთები, დაღრღნილი ავეჯი, დასვრილი იატაკი…
- მის თვალებში ყოველთვის წაიკითხავთ რამდენად მადლიერია მისი ცხოვრების შეცვლისთვის და რამდენად უყვარხართ. მათი ნაღვლიანი თვალები მომენტალურად იცვლება.
- თუ იჩუქებთ ძაღლს ფიზიკური ნაკლით ეს მხოლოდ თქვენს მაღალ მორალურ მხარეზე მიუთითებს. არ აქვს მნიშვნელობა ვის რამდენი ფეხი აქვს, ან რამდენად კარგად შეუძლია სიარული, მთავარია რამდენ სიყვარულს გასცემთ და რამდენი გიბრუნდებათ უკან.
- კარგ მაგალითს მისცემთ ხალხსაც, ვინმე თუ მოგბაძავთ კიდევ რამდენიმე სიცოცხლე გადარჩება.
საქართველოში, სამწუხაროდ ძალიან ცოტაა თავშესაფრიდან ჩუქების მსურველების რიცხვი. იმდენად მცირე, რომ ჩვენს თავშესაფარში შეგიძლიათ იხილოთ ძაღლი რომელიც 10 წელია ჩუქდება… თითზე ჩამოსათვლელია იმ ადამიანთა რიცხვი, რომლებმაც იჩუქეს ძაღლი ფიზიკური ნაკლით, ასეთი კი ბევრია გამომდინარე იქიდან რომ ჩვენი თავშესაფარი ტრავმირებული ცხოველებისთვისაა განკუთვნილი. რამდენჯერმე აუცილებელი გახდა ცხოველების მიღების შეწყვეტა, ცხოველების ჭარბი რაოდენობის და უსახსრობის გამო.
ცხოველი თავშესაფრამდე ადამიანის გულგრილობას მიჰყავს და ადამიანების კეთილ ნებას ელოდებიან ცხოვრების გასაგრძელებლად...
ჩვენი თავშესაფრის ყოფილი ბინადრები, ოჯახთან ერთად 
იყავი შემდეგი!
გასაჩუქებელი ცხოველები GSPSA თავშესაფრიდან